ബാലുശ്ശേരി ടൗണില്‍ ചിറക്കല്‍കാവ് ചാമുണ്ഡേശ്വരി ക്ഷേത്രത്തിന് സമീപം പ്രവര്‍ത്തിക്കുന്ന ലാവണ്യ ഹോം അപ്ലൈന്‍സ് ഷോപ്പില്‍ വന്‍ തീപിടുത്തം. രാത്രി 12 മണിയോടുകൂടിയാണ് തീപിടുത്തമുണ്ടായത്. മൂന്ന് നിലകളുള്ള കെട്ടിടത്തിന്റെ മുകള്‍ നിലയിലാണ് തീ ആദ്യം കാണുന്നത്.
ഇന്നലെ ക്ഷേത്രത്തില്‍ ഉല്‍സവത്തിന്റെ സമാപനമായിരുന്നു. 10 മണിയോടെ കൊടിയിറക്കം കഴിഞ്ഞ് ഏതാണ്ട് ആളുകള്‍ ഒഴിഞ്ഞുപോയിരുന്നു. ഷോപ്പിലുള്ള സാധനങ്ങളെല്ലാം കത്തി നശിച്ചു.
പ്ലാസ്റ്റിക് ഉല്‍പ്പന്നങ്ങളും മറ്റും ഉള്ളതിനാല്‍ തീ ആളിപ്പടരുകയായിരുന്നു. തീപിടുത്തത്തിന്റെ കാരണം വ്യക്തമല്ല. ലക്ഷക്കണക്കിന് രൂപയുടെ നഷ്ടം കണക്കാക്കുന്നു. നരിക്കുനി കൊയിലാണ്ടി, പേരാമ്പ്ര, മുക്കം ഫയര്‍‌സ്റ്റേഷനുകളില്‍ നിന്നായി ഏഴോളം ഫയര്‍ യൂണിറ്റ് എത്തിയാണ് മൂന്നുമണിക്കൂര്‍ നേരത്തെ പരിശ്രമത്തിനൊടുവില്‍ തീയണച്ചത്.
Post a Comment